Motivá Otro ku Zelo pa Hasi Obranan Ekselente

Hebreonan 10:24 ta animá nos pa “presta atenshon na otro pa nos por stimulá otro pa mustra amor i hasi bon obra.” E ehèmpel ku nos ta pone i nos ekspreshonnan di fe por motivá nos rumannan den kongregashon. Konta nan e dushi eksperensianan ku bo tabatin den sirbishi. Laga nan mira e goso ku bo tin den sirbi Yehova. Pero no pone nan sinti ku bo ta kompará nan ku bo mes ni ku otro ruman. (Gal. 6:4) Hasi esfuerso pa motivá otro pa “mustra amor i hasi bon obra,” sin laga otro sinti nan mes kulpabel i obligá pa hasi bon obra. (Wak e buki Skol di Ministerio, pág. 158, par. 4) Si nos motivá otro pa mustra amor, e ora ei obranan ekselente, manera e trabou di prediká òf e yudansa ku nos ta duna otro den sentido material, lo bini di mes.—2 Kor. 1:24.