SEA DILIGENTE DEN SIRBISHI
Kon pa Mehorá Bo Sirbishi—Traha Bo Mes Presentashon di Revista
DIKON ESAKI TA IMPORTANTE: Aunke ku e ideanan di e presentashonnan den nos Material i Tarea pa Reunion ta práktiko, nan ta djis sugerensia. Lo ta bon pa bo usa bo mes palabra. Kisas bo ta preferá di presentá e tema na un otro manera òf asta usa un otro tema ku ta interesá hende den bo teritorio. Si esei ta e kaso, despues ku bo kaba di lesa e revista, analisá e presentashonnan i wak e vidionan; bo por usa e siguiente sugerensianan pa traha bo mes presentashon.
KON PA HASIÉ:
Bo ta bai usa un di e presentashonnan ku tin den nos Material i Tarea pa Reunion?
SÍ
Formulá bo introdukshon. Kumindá e persona i splik’é ku poko palabra e motibu di bo bishita. (Por ehèmpel: “Mi ta bishitá bo pasobra . . . ”)
Pensa kon lo bo pasa di e pregunta pa e teksto i di e teksto pa e publikashon. (Por ehèmpel: Pa introdusí e teksto, bo por bisa: “E kontesta pa e pregunta ei ta na . . . ”)
NÒ
Skohe un tema for di e revista ku a hala bo atenshon i ku lo interesá hende den bo teritorio
Pensa un pregunta ku lo animá e persona pa ekspresá su mes, pero ku lo no lag’é sintié inkómodo. (Por ehèmpel: E preguntanan ku tin na pág. 2 di e revista.)
Skohe un teksto pa lesa. (Si bo ofresé e ¡Despertad!, bo por opta pa no lesa teksto di Beibel ya ku a prepará e revista pa hende ku no tin masha konosementu di Beibel i ku kisas no ta konfia religion.)
Prepará ún òf dos frase pa splika e persona kon e por benefisiá di e artíkulo ora e les’é
SEA KUAL SEA BO SKOHE
Prepará un pregunta ku lo bo ke kontestá na e siguiente bishita
Hasi anotashon pa yuda bo kòrda loke bo ke bisa e siguiente biaha