E Shelunan Nobo i un Tera Nobo Lo Trese Gran Goso

Dios su promesa di hasi tur kos nobo menshoná na Isaías kapítulo 65 ta asina sigur ku Yehova ta papia di dje komo si fuera el a kumpli kaba.

Yehova ta krea shelunan nobo i un tera nobo kaminda e kosnan di ántes lo no ser rekordá mas

65:17

Kiko e shelunan nobo ta?

• Un gobièrnu nobo ku lo trese kondishonnan hustu riba tera

• E gobièrnu akí a kuminsá goberná na 1914 tempu ku Kristu a ser entronisá komo Rei di e Reino di Dios

Kiko e tera nobo ta?

• Un sosiedat di hende di tur nashon, idioma i rasa ku di buena gana ta someté nan mes na e gobernashon di e gobièrnu selestial nobo

Den ki sentido e kosnan di ántes lo no ser rekordá mas?

• Tur loke ku ta kousa mal rekuerdo, esta, sufrimentu físiko, mental òf emoshonal, lo ta kos di pasado

• Hende fiel lo disfrutá plenamente di bida i lo balorá e bunita rekuerdonan di kada dia ku pasa