Kon pa Usa e Foyeto Skucha Dios

E foyeto Skucha Dios a ser prepará pa siña e bèrdatnan básiko di Beibel na hende ku no por lesa bon. E foyeto ta konsistí prinsipalmente di plachi. E lèsnan ta konsistí di dos página di plachi bon prepará ku tin flecha ku ta guia bo na e siguiente plachi.

E foyeto Skucha Dios i Biba pa Semper tin e mesun plachinan ku e foyeto Skucha Dios. E diferensia ta ku e foyeto Skucha Dios i Biba pa Semper tin mas kos skirbí i por us’é pa studia ku hende ku por lesa. Publikadónan ku ta dirigí estudio den e foyeto Skucha Dios, hopi biaha ta preferá di usa e foyeto Skucha Dios i Biba pa Semper komo guia. Mayoria di e páginanan tin un kuadro ku informashon adishonal ku bo por trata ku e studiante segun su abilidat.

Bo por ofresé e foyetonan akí na kualke momento, asta ora nan no ta e oferta di luna. Ora di dirigí un estudio di Beibel, usa e plachinan pa splika e studiante e relato di Beibel. Hasi e studiante pregunta pa e partisipá i pa hasi sigur ku el a komprondé e informashon. Lesa e tekstonan di Beibel ku tin na pia di página i rasoná kuné riba nan. Ora un studiante kaba di studia e foyeto, studia e buki Kiko Beibel Ta Siña Realmente? kuné pa yud’é progresá i yega na boutismo.