NOS BIDA KRISTIAN
Mira Bo Mes Manera Yehova Ta Mira Bo
“Yehova ta masha kontentu ku su pueblo.” (Sl 149:4) Aunke nos ta imperfekto, e ta mira nos bon kualidatnan i nos potensial. Sinembargo, tin biaha por ta difísil pa nos tin un punto di bista balansá asina di nos mes. Kisas e manera ku otro hende ta trata nos ta laga nos sinti ku nos no ta bal nada. Òf, si nos keda enfoká riba e erornan ku nos a kometé den pasado, nos por asta kuminsá duda si di bèrdat Yehova ta stima nos. Kiko por yuda nos ora nos ta sinti asina?
Kòrda ku Yehova ta mira mas aleu di loke hende ta mira. (1Sá 16:7) Esei ke men ku e ta mira mas aleu di loke nos ta mira den nos mes. Nos ta kontentu ku Beibel ta yuda nos komprondé kon Yehova ta mira nos. Kon Beibel ta yuda nos ku esei? Ora nos lesa versíkulo i relato di Beibel, nos ta mira kuantu Yehova ta stima su sirbidónan.
WAK E VIDIO KONVENSÉ BO MES KU YEHOVA TA STIMA BO, I DESPUES KONTESTÁ E SIGUIENTE PREGUNTANAN:
Kon e ilustrashon di un koredó i su tata ta yuda nos komprondé kon Yehova ta mira nos?
Si un persona a kometé un piká grave i a tuma e pasonan nesesario pa drecha su amistat ku Yehova, kon e por konvensé su kurason ku Yehova ta stim’é?—1Hn 3:19, 20
Kon e ruman hòmber a benefisiá ora el a lesa i meditá riba e relatonan di David i Yehósafat?