Beibel ta bisa ku “hende tin un bida kòrtiku i yen di problema.” (Yòb 14:1) Esaki ta e bida ku Dios ke pa nos tin? Si no ta asina, e ora ei, kiko ta Dios su propósito pa nos? Su propósito lo kumpli un dia? Ban wak kon Beibel ta kontestá e preguntanan ei.

1. Kon Yehova ke pa nos bida ta?

Yehova ke lo mihó pa nos. Ora el a krea e promé hendenan, Ádam ku Eva, el a pone nan den un bunita paradeis, hòfi di Éden. Despues, “Dios a bendishoná nan, i Dios a bisa nan: ‘Haña yu i bira hopi; yena tera i domin’é.’” (Génesis 1:28) Yehova tabata ke pa nan haña yu, hasi henter tera un paradeis i kuida e bestianan. Dios su propósito tabata pa hende biba pa semper i ku salú perfekto.

Aunke ku esei no a tuma lugá,a Dios su propósito no a kambia. (Isaías 46:10, 11) Ainda e ke pa hende obediente biba pa semper riba tera den kondishon perfekto.—Lesa Revelashon 21:3, 4.

2. Kon nos bida por tin propósito for di awor?

Yehova a krea nos ku un “nesesidat spiritual,” esta, un deseo pa konos’é i ador’é. (Lesa Mateo 5:3-6.) E ke pa nos tin un amistat será kuné, “kana den tur su kamindanan,” “stim’é” i sirbié “ku henter [nos] kurason.” (Deuteronomio 10:12; Santiago 2:23) Si nos hasi esei, nos lo ta realmente felis apesar di nos problemanan. Ora nos ta adorá Yehova, nos ta sinti ku nos bida tin berdadero propósito.

3. Yehova ke pa hende tin un bida maravioso

Pasa e VIDIO. Despues, analisá e siguiente pregunta:

VIDIO: Dikon Dios A Krea Tera?—Fragmento (1:41)

• Dikon Dios a krea nos bunita planeta Tera?

Lesa Eklesiástes 3:11. Despues, analisá e siguiente pregunta:

• Kiko e teksto ei ta siña bo tokante Yehova su propósito pa nos?

4. Yehova su propósito no a kambia

Lesa Salmo 37:11, 29 i Isaías 55:11. Despues, analisá e siguiente pregunta:

• Kon nos por sa ku Yehova su propósito pa nos no a kambia?

5. Ora nos ta adorá Yehova, nos ta sinti ku nos bida tin berdadero propósito

VIDIO: Mi A Haña Sa e Propósito di Bida (5:03)

• Ora Terumi a haña sa kiko ta e propósito di bida, kon esei a yud’é?

Lesa Eklesiástes 12:13. Despues, analisá e siguiente pregunta:

• Kon nos por mustra Yehova ku nos ta gradisidu pa tur loke el a hasi pa nos?

RESÚMEN

Yehova ke pa nos biba pa semper riba tera den kondishon perfekto. Si nos sirbi Yehova ku henter nos kurason, nos bida lo tin berdadero propósito for di awor.

Repaso

• Ora Yehova a krea Ádam ku Eva, ki propósito e tabatin pa nan?

• Kon nos por sa ku Dios su propósito pa hende no a kambia?

• Kon bo bida por tin propósito?

MAS INFORMASHON INTERESANTE

Wak dikon nos por tin sigur ku hòfi di Éden realmente a eksistí.

“E Hòfi di Éden A Eksistí?” (E Toren di Vigilansia di 1 di yanüari 2011)

Wak dikon nos por tin sigur ku tera lo permanesé pa semper.

“Tera Lo Ser Destruí?” (artíkulo na spañó riba jw.org)

Wak kiko Beibel ta bisa tokante e propósito di bida.

“Kiko Ta e Nifikashon di Bida?” (artíkulo riba jw.org)

Wak kon un hòmber ku a kere ku e tabatin tur kos a haña berdadero propósito den bida.

Awor Mi Bida Tin Propósito (3:55)

2. Ken lo goberná huntu ku Hesus?

Hesus lo no goberná su so. Hende for di ‘tur tribu, idioma, pueblo i nashon lo ta rei i lo goberná tera’ huntu ku Hesus. (Revelashon 5:9, 10) For di tempu ku Hesus a bini na tera, miónes di hende a bira su siguidó. Ta nan tur lo goberná huntu kuné? Nò. Di tur e siguidónan di Hesus, ta solamente 144.000 persona lo bai shelu pa goberná huntu kuné. (Lesa Revelashon 14:1-4.) Tur e otro siguidónan di Hesus lo biba riba tera bou di e Reino di Dios.—Salmo 37:29.

E Reino di Dios ta gobernando kaba. Pronto lo e trese kambio grandi na tera. Laga nos trata algun kos ku lo bo por disfrutá di dje bou di e Reino di Dios.

1. Kon e Reino di Dios lo trese pas i hustisia na tera?

Komo Rei di e Reino di Dios, Hesus lo destruí tur hende malbado na e guera di Armagedon. (Revelashon 16:14, 16) Na e tempu ei, e siguiente promesa di Beibel lo kumpli kompletamente: “Djis akí, lo no tin hende malbado mas.” (Salmo 37:10) Mediante e Reino di Dios, Hesus lo hasi sigur ku lo tin pas i hustisia riba henter tera.—Lesa Isaías 11:4.

2. Kon bida lo ta ora Dios su boluntat kumpli riba tera?

Bou di gobernashon di e Reino di Dios, “hende hustu lo heredá tera, i nan lo biba riba dje pa semper.” (Salmo 37:29) Imaginá bo un mundu asina! Tur hende riba tera lo ta hustu, i nan lo stima Yehova i otro hende. Niun hende lo no bira malu i tur hende lo biba pa semper.

3. Kiko e Reino di Dios lo logra despues ku destruí tur hende malbado?

Hesus lo goberná komo Rei pa 1.000 aña despues ku hende malbado ser destruí. Durante e tempu ei, Hesus i e 144.000 personanan ku lo goberná huntu kuné lo yuda hende riba tera bira perfekto. Na final di e periodo di mil aña, henter tera lo ta un bunita paradeis i tur hende lo ta felis pasobra nan ta obedesé e leinan di Yehova. Despues, Hesus lo entregá e Reino bèk na su Tata, Yehova. Yehova su “nòmber [lo ser] santifiká” manera nunka promé. (Mateo 6:9, 10) Na e tempu ei, lo ta bisto ku Yehova ta un bon Gobernante i ku e ta kuida hende ku ta bou di su gobernashon. Despues, Yehova lo destruí Satanas, e demoñonan i kualke otro persona ku ke rebeldiá kontra Su gobernashon. (Revelashon 20:7-10) Tur loke e Reino di Dios logra lo dura pa semper.

KIKO MAS NOS POR SIÑA?

4. E Reino di Dios lo kaba ku gobernashon humano

Beibel ta bisa: “Hende ta dominá hende, i esei ta kousa sufrimentu.” (Eklesiástes 8:9) Yehova lo usa su Reino pa kaba ku tur inhustisia ku gobernashon humano a kousa.

Lesa Dánièl 2:44 i 2 Tesalonisensenan 1:6-8. Despues, analisá e siguiente preguntanan:

• Kiko Yehova i su Yu, Hesus, lo hasi ku gobièrnu humano i e hendenan ku ta apoyá e gobièrnunan ei?

• Di loke bo a siña tokante Yehova i Hesus, dikon bo por ta sigur ku loke nan lo hasi ta hustu?

5. Hesus ta e mihó Rei ku por tin

Komo Rei di e Reino di Dios, Hesus lo yuda hende ku ta biba riba tera na vários manera. Pasa e VIDIO pa wak kon Hesus a demostrá ku e ke yuda hende i ku Dios a dun’é poder pa hasi esei.

VIDIO: Hesus A Demostrá Kiko e Reino di Dios Lo Hasi (1:13)

E milagernan ku Hesus a hasi tempu ku e tabata riba tera ta mustra kiko e Reino di Dios lo hasi den futuro. Kua di e bendishonnan menshoná aki bo tin mas gana di mira kumpli? Pa siña mas tokante e bendishonnan ei, lesa e tekstonan ku tin nan tras.

6. E Reino di Dios lo trese un futuro maravioso

VIDIO: E Futuro Maravioso Ku Ta Spera Humanidat (4:38)

Lesa Salmo 145:16. Despues, analisá e siguiente pregunta:

• Kon bo ta sinti bo awor ku bo sa ku Yehova lo “satisfasé deseo di tur ser bibu”?

RESÚMEN

E Reino di Dios lo kumpli ku Dios su boluntat. E Reino di Dios lo hasi henter tera un paradeis kaminda hende hustu lo adorá Yehova pa semper.

Repaso

• Kon e Reino di Dios lo santifiká òf hasi Yehova su nòmber limpi?

• Dikon nos por tin sigur ku e Reino di Dios lo kumpli ku e promesanan ku tin den Beibel?

• Di tur e bendishonnan ku e Reino di Dios lo trese, kua di nan bo tin mas gana di mira kumpli?

MAS INFORMASHON INTERESANTE

Lesa e artíkulo akí pa haña sa kiko Armagedon ta.

“Kiko e Guera di Armagedon Ta?” (artíkulo riba jw.org)

Lesa loke lo sosodé durante e tempu ku Hesus a yama “tribulashon grandi.”—Mateo 24:21.

“Kiko e Tribulashon Grandi Ta” (artíkulo riba jw.org)

Wak kon un famia ta imaginá nan mes huntu den Paradeis.

Imaginá Bo Mes den Paradeis (1:50)

Pa wak kon un hòmber ku tabata kontra e sistema polítiko di su pais a haña e solushon ku e tabata buska, lesa e artíkulo “Mi Tabatin Hopi Pregunta.”

“Beibel Ta Kambia Bida di Hende” (E Toren di Vigilansia di 1 di yanüari 2012, na spañó)