Nos Por Haci Obranan Mas Grandi
1 E ministerio di Jesucristo tabata caracterisá pa obranan sobresaliente. Milagrosamente el a alimentá miles di hende, a cura hopi i a resucitá algun for di morto. (Mat. 8:1-17; 14:14-21; Juan 11:38-44) Su actividad a capta atencion di henter un nacion. Tog, e último anochi promé cu su morto, el a bisa su siguidónan fiel: “Esun cu ta ehercé fe den mi, esun ei tambe lo haci e obranan cu mi ta haci; i lo haci obranan mas grandi cu esakinan.” (Juan 14:12) Con nos por haci obranan “mas grandi”?
2 Dor di Cubri Mas Teritorio: Jesus su campo di actividad tabata limitá na Palestina, pero el a manda su disipelnan di promé pa duna testimonio “na e parti mas lehano dje tera,” hopi mas leu cu e mes a predicá. (Echo. 1:8) E trabou di predicá cu el a cuminsá ta tumando lugá rond mundu awor i e ta cubri 232 pais. (Mat. 24:14) Abo ta yuda cubri e teritorio asigná na bo congregacion tur cu tin?
3 Dor di Alcansá Mas Hende: Jesus a laga relativamente poco disipel atras pa sigui cu e trabou di predicá. Sin embargo, como resultado di nan testificacion celoso na Pentecoste 33 E.C., esnan cu a aceptá e berdad i a bautisá e dia ei a yega na un cantidad di rond di tres mil alma. (Echo. 2:1-11, 37-41) E recogementu di hende “corectamente dispuesto pa bida eterno” a sigui te den nos tempu, awor cu nos ta bautisando un promedio di 1.000 persona pa dia. (Echo. 13:48) Abo ta haciendo tur bo esfuerso pa alcansá hende onrado unda cu nan por ta, anto rebishitá esnan interesá mas pronto posibel?
4 Dor di Predicá pa Muchu Mas Tempu: Jesus su ministerio terenal tabata limitá na tres aña i mei. Mayoria di nos ta predicando pa mas tempu cu esei. Sin importá pa cuantu tempu mas nos lo por sigui haci e trabou aki, nos ta gradicidu pa yuda cada disipel nobo cuminsá cana riba e caminda cu ta hiba na bida. (Mat. 7:14) Abo tin hopi di haci tur luna den e obra di Señor?—1 Cor. 15:58.
5 Nos por tin confiansa cu, cu e apoyo di Jesus, nos lo haci obranan mas grandi ainda como su disipelnan berdadero.—Mat. 28:19, 20.