Un Victoria Riba Maldad

DI CON e cachó morto aki mester maldicioná mi señor e rey? Por fabor, laga mi bai i kita su cabes afó.” Abisai, un hefe di ehército israelita, a haci e peticion aki. Esei tabata su reaccion rabiá ora el a tende con un benjamita yen di odio cu yama Simei tabata ofendé su señor, rey David.—2 Samuel 16:5-9.

Abisai a sucumbí na un filosofia hopi aceptá awe: wowo pa wowo, djente pa djente. Sí, Abisai tabata kier pa Simei sufri p’e ofensanan cu el a basha riba David.

Pero, con David a reaccioná? David a wanta Abisai bisando: “Lagu’é.” Aunke e no tabata culpabel di loke Simei tabata acus’é, humildemente David a resistí e tentacion pa tuma vengansa. Mas bien, el a laga e asuntu den man di Jehova.—2 Samuel 16:10-13.

Ora David a bolbe na mando despues cu el a hui debí na un rebelion fracasá di su yu homber, Simei tabata entre e proménan pa salud’é i pidié pordon. Atrobe Abisai kier a mat’é, pero atrobe David no a permitié hacié.—2 Samuel 19:15-23.

Den e caso aki, David a resultá di ta un prefiguracion apropiado di Jesucristo, di ken apostel Pedro a skirbi: “Ora nan a zundr’é, e no a zundra bek . . . sino a sigui encomendá su mes na esun cu ta husga cu husticia.”—1 Pedro 2:23.

Awe, cristiannan tin e amonestacion pa ser “humilde di mente, sin paga daño cu daño.” (1 Pedro 3:8, 9) Dor di sigui e ehempel cu David i Jesucristo a pone, nos tambe por “vence malu cu bon.”—Romanonan 12:17-21.