Komprendibel pa Otro Hende

1 Korintionan 14:9

RESÚMEN: Yuda bo oyentenan komprondé nifikashon di bo mensahe.

KON PA LOGR’É:

• Studia bo informashon bon. Abo mes mester komprondé e tópiko bon pa bo por splik’é na un manera simpel i ku bo mes palabra.

• Usa frase simpel i kòrtiku. Aunke frase largu ta aseptabel, usa frase breve i al kaso pa transmití e puntonan klave.

• Splika e ekspreshonnan ménos konosí. Si ta posibel, no usa e ekspreshonnan ku bo oyentenan no konosé. Si bo tin ku referí na un ekspreshon ménos konosí, na un personahe bíbliko òf na un midí òf kustumber di tempu antiguo, duna un splikashon.