LÈS 13

Mustra e Balor Práktiko

Proverbionan 3:21

RESÚMEN: Yuda bo oyentenan komprondé kiko e tópiko tin di haber ku nan bida, i mustra nan kon nan por pone loke nan ta siña na práktika.

Pensa riba bo oyentenan. Meditá riba e motibu pakiko bo oyentenan tin mester di e informashon ku bo ke kompartí, i determiná kua aspekto di e tópiko lo ta spesialmente útil pa nan.
Durante henter bo presentashon, mustra bo oyentenan kiko nan tin ku hasi. For di komienso, kada oyente tin ku pensa: ‘Esaki ta pa mi.’ Segun ku bo ta desaroyá un punto prinsipal, mustra tambe kon pa pon’é na práktika. Evitá di papia muchu general; sea spesífiko.

Ora bo ta mustra kon pa pone e prinsipionan di Beibel na práktika, hasié na un manera kariñoso i ku kompashon. En bes di laga hende sinti nan mes kulpabel, fortalesé nan amor i fe, ku e konfiansa ku nan kurason lo motivá nan pa hasi loke ta korekto.