Beibel Por Hasi Mi Famia Felis?

E kontesta ku Beibel ta duna

Sí. Laga nos wak algun konseho sabí for di Beibel ku a yuda miónes di hende hòmber i muhé hasi nan famia felis.

1. Hasi bo union legal. E kompromiso di bida largu ku matrimonio ta duna ta e fundeshi pa un famia felis.​—Mateo 19:4-6.

2. Stima otro i respetá otro. Esaki ta enserá trata bo kasá manera abo ke ser tratá.​—Mateo 7:12; Efesionan 5:25, 33.

3. Evitá palabra skèrpi. Papia na un manera bondadoso ku bo kasá asta ora e bisa òf hasi algu ku ta hùrt bo. (Efesionan 4:31, 32) Manera Beibel ta bisa na Proverbionan 15:1: “Un kontesta suave ta kita rabia, ma un palabra skèrpi ta lanta rabia.” (Beibel Santu)

4. Keda fiel na otro. Bo atenshon romántiko i seksual mester ta solamente pa bo kasá. (Mateo 5:28) Beibel ta bisa: “Laga matrimonio ta onorabel den bista di tur hende, i tene e kama matrimonial sin mancha.”​—Hebreonan 13:4.

5. Lanta bo yunan ku amor. Evitá di ta sea muchu suave òf muchu severo.​—Proverbionan 29:15; Kolosensenan 3:21.