Blekeu

Lurruul er Ngii a Jesus

VIDEO: A Jesus Omerk el Mora Sakeus

1. Momes er a VIDEO me a lechub e monguiu er a Lukas 19:​1-7. E molatk aika el ker:

1. Ngera locha uchul me a rebebil er a rechad a milengeroid er tir er a Sakeus?

2. Me alta nguaisei, ngngera uldbechii a Jesus el mo share er a ungil chais el mo er ngii?

Ngera Kede Suubii er a Jesus?

2. Kede ousbech er a blekeu el mo omerk er a klumech el kirel a Renged el mora rokui el chad.

Moukerebai er a Jesus

3. Multuil er a Jehovah. A chedaol reng er a Dios a silsichii a Jesus el mo omerk, e dirrek el sebechel smisichau. (Mt. 10:​19, 20; Lk. 4:18) Molengit er a blekeu er a Jehovah el mo omerk el mo er tirke el omedakt er tir.—Rel. 4:29.

4. Lak moukerrekeriil er a chad. Kede locha mo omai er a rengud el mengedecheduch er a rebebil e le kede omes er a klebekelir er a ikrel, deruchellir er a buai, ildisel a ududir, blekerdelel a klengar er tir, me a lechub e ngklaumerang er tir. Engdi lak mobes el kmo:

1. A Jehovah me a Jesus a sebechir el menguiu a reng engdi kid a diak.

2. Ngdiak el kired el feel el kmo a chad a diak el sebechel nguu a klechubechub er a Jehovah.

5. Moba blekeu engdi a osisiu el taem e mochotii omengull e bo mkerekikl. (Mt. 10:16) Lak mongaititekangel. Ngoeak a ungil rolel e mterebengii a cheldechedechemiu a lsekum ngdiak el soal lorrenges er a ungil chais me a lechub e ngmla mo diak om feel el safe.—Osi. 17:14.