Sel Sandei el Omuchel er a June 28
SEL SANDEI EL OMUCHEL ER A JUNE 28
□ Omesubel a Biblia er a Ongdibel:
fl Ongeai el Suobel par. 28-32
□ Skuul el kirel a Berkel a Klumech:
Omengiuel a Biblia: 1 King 3-6
Omelekl a Suobel er a Skuul el kirel a Berkel a Klumech
□ Omesuub el kirel a Omesiunged el Mo er a Dios:
5 min: Subed.
15 min: Mketmeklemiu el Mo Merous er a Ongkerongel er a Ongeuid el Buil. Omesaod el obengkel a ongdibel. Mchoit a tang me a lechub e ngeru el bung el omes aike el suobel el ngar er a chelsel ngii el babier. E sola e mngilt a teblong me a lechub e ngkldei el suobel e molengit er a ongdibel me louchais a bebil er a ker me a bades el sebeched el ousbech sel doldingel a obliil. Motebedii a ta er a olechotel e ngsebeched el merous er tia el babier. E sola e mluut el rullii a ta er a olechotel a kmo ngmekerang e sebeched el omuchel a omesubel a Biblia sel deluut el mo oldingel er a chad el mle semeriar.—Momes er a km 8/07 p. 3.
15 min: Mlosisechakl er a Ledirk el Kekerei. Omesaod el obengkel a ongdibel. A Timoteus a ble lodengelii el kmo nguleba blakerreng e mle meduch el omerk er a klumech. (Fil. 2:20-22) E le ngii el mla er ngii ungil el uchetemel er a tekingel a Dios el lengiluu er a delal me a delal a delal er a ledirk lekekerei. (2 Ti. 1:5; 3:15) Aikang a bebil er a uleklatk el mlengai er a Biblia el sebechel el ngosuterir a ruungalek el mo olisechakl er a rengelekir el mo ungil el chad el omerk er a klumech. (1) Moba ngelekem el mo oldingel a obliil sel ledirk lekekerei; molisechakl er ngii el oltirakl er a rekil me a dechal. (Osi. 22:6) (2) Mochotii a ungil el kerebai sel omrellii a odingel a obliil el mo kot el klou a ultutelel el tekoi. (Fil. 1:9, 10) (3) Molisiich a bltikerreng me a omereng el saul el kirel a ureor er a berkel a klumech sel temel a omengull el telungalek me a kuk bebil er a taem. (Dut. 6:6, 7) (4) Bo moba ungil el uldasu el kirel a omesiungem el oeak a blekerdelem me a cheldechedecham. (Fil. 3:8; 4:8; 1 Ti. 1:12) (5) Bo blechoel el teloi er a odingel a obliil kau me a telungalek er kau. (Rel. 5:41, 42) (6) Mobengterir tirke el chad el oba blakerreng el ngar er a omesiungir. (Osi. 13:20) Molengit er a rechad er a ongdibel me louchais a uldesuir el kirel aike el sebechir a ruungalek el mo meruul el mo olengeseu er tir el rullii a omesiungir el mo er ngii a deurreng er ngii e dirrek el ngar er ngii a lerellii.