Kerrir a Rechad

◼ Ngtechang a kirel el meluches aike el coupons e dirrek el meruul a ongit el ngar er a internet?

Aika el babilenged a blechoel el ngar er ngii a coupons er a chelsel el sebeched el meluches e oldurokl el mo er a obis er a branch el kirel a ongtil a babier me a lechub e ngongtil a chad el soal a Resioning er a Jehovah a bo loldingel er tir. Me a lmuut el tang, a Web site er kid el www.watchtower.org a sebechel a chad el ousbech er ngii el olengit er a omesubel a Biblia. Aikaikid el techall a mla ngosuterir a rebetok el chad el mo medengelii a klemerang. Me nguaisei, engdi a mondai a mla duubech e le rechad el mla mo oldingel a obliil a mla ousbech aikang me bo el sebechir a rechederir me a rebebil el ngmai a ngeso el kirel a tekingel a Dios.

A rebebil el mlodurokl aika el babilenged el mo er tir a oumondai el kirel, e le te omdasu el kmo a cheldebecheled a mla lmuches a ngklir er a babilengir e dirrek el orrimel er tir el mo menguiu aika el babier. Tirke el mla mo oldingel a obliil el mlo er aike el blai el dimlak a chad el lolengit me bo loldingel er tir a mlo chelebangel a mekngit el omelekingir a rechad el ngar er aike el blai. Me a leuaisei, e a ongit el meruul el okiu a Web site er kid me a lechub e ngokiu a coupons a kirel el ngar ngike el chad el semeriar el diak el okiu a chad el mla mo oldingel a obliil el melasem el meruul a babilengir a rebebil. Me a ngii di el ongit el mei el okiu a ta er a rechad a diak bo longer er ngii.

Me ngmekerang e mo sebeched el ngosuterir a rechedad me a rechad el dekaodengei el olengeriakl a klemedengei er tir el kirel a Dios? A lsekum e ngsoam a bo el sebechel el melai aika el babilenged, e ngera me ngdiak modureklii el ua lesengk er kau el mo er ngii? A lsekum e ngulechotii a klemeriarreng, e soal a Resioning er a Jehovah a bo loldingel er ngii, e diak a rolel er kau e mongedecheduch er a remechuodel er sel basio el lengar ngii, e ngsebechem el rullii sel Please Follow Up (S-43) el form e mnguu el msa ngike el melechesel a ongdibel, me lesang e lodureklii el mo er a obis er a branch. Me nguaisei, engdi a lsekum ngike el semeriar el chad a kelebus me a lechub e ngngar er a osbitar, e ngdiak mosubed er a obis er a branch. Ngbai sebechem el melisiich er ngii el mo mengedecheduch er tirke el odam el tir a mo oldingel aika el basio me a lechub e ngmeluches el mo er a obis er a branch.