Betok el Techall el Sebeched el Mereng a Sulel a Jehovah
1. Ngera el beches el tekoi a mla meketmokl me bo el sebeched el “mereng a sulel a RUBAK”?
1 Sera March, e ngmla er ngii a beches el tekoi el mileketmokl, el uchul e ngmo sebechir tirke el publisher el mo auxiliary pioneer el kirel a 30 el sikang er a chelsel a March me a April me a dirrek el sel buil el be loldingel ngike el odam el oldingel a ongdibel. A lsekum a odngelel ngika el odam a ngar er a ulebengelel a buil el mo er a uchelel a ongingil el buil, e tirke el publisher el mle sorir el mo auxiliary pioneer el kirel a 30 el sikang a sebechir el ngiltii a ta er aika el buil. Tirke el rokui el mo auxiliary pioneer a sebechir el mo er sel miting lobengterir tirke el regular pioneer me a special pioneer. Tiang a belkul a kmo a lsekum e ngdiak el sebeched el rullii sel 50 el sikang, e ngdirk sebeched el “mereng a sulel a RUBAK” el oeak sel bo de auxiliary pioneer el eua el taem er a ta el rak el ousbech a 30 el sikang.—Psa. 109:30; 119:171.
2. Ngera el tekoi a bo loldeu a rengrir er ngii tirke el mo auxiliary pioneer er a temel a odngelel ngike el odam el oldingel a ongdibel?
2 Sel Temel a Odngelel Ngike el Odam el Oldingel a Ongdibel: Chelechang e ngmo sebechir a rebetok el chad el mo auxiliary pioneer er a temel a odngelel ngike el odam el oldingel a ongdibel e oldeu a rengrir er a omelisiich el lengai sel loldingel el obengkel. (Rom 1:11, 12) A rebetok er tirke el auxiliary pioneer a kirir el mo melai a ulengellir er seikid el taem me bo el sebechir el oureor el obengkel ngike el odam el me oldingel. Tirke el oureor er a Kot el Ureor el mo Ongeim el Ureor a sebechir el olengit er ngii me bo ledak el oldingel er a Sebadong me a lechub e ng Sandei. Ngdirrek el mera el mo uchul a omelisiich el kirir tirke el auxiliary pioneer el mo er sel miting el obengterir tirke el regular me a special pioneer.
3. Ngera uchul me ngungil el taem el bo de auxiliary pioneer er a temel a Chedaol el Blsoil?
3 Chelsel a March me a April: Tirke el uluusbech er a techall el mo auxiliary pioneer el kirel a 30 el sikang er sel buil el lengar er ngii a Chedaol el Blsoil a mla mo sebechir el mengisois a “tenget er odanges” er tir. (Heb. 13:15) A March me a April a kmal ungil el taem el bo donglou er a omesiunged el mo auxiliary pioneer. Ngar tiaikid el taem er a bek el rak, e kede dmeu a rengud el mengemedaol er a rechad el mei er a Chedaol el Blsoil. Te dirrek el ngar er ngii a rebetok el chad el menglou er a omesiungir er tiaikid el taem, me ngmo sebeched el oureor el obengterir a rekakerous el chad. A uriul er a Chedaol el Blsoil, e kede mo oldingel er tirke el semeriar el mlei e omekeroul er a klemeriarreng er tir el kirel sel ileakl el cheldecheduch el mo er a buai. Kau ngmo soam el mo ousbech aika el lmuut el bebil er a techall el mesiou el auxiliary pioneer?—Lk. 6:45.