Mousbech er a Klisichel a Tekingel a Dios el Ngar er a Omesiungem

A lsekum a chad a kongei el orrenges er a ungil chais, e ngungil a dousbech er a klisichel a Tekingel a Dios el okiu sel donguiu a bades er a Biblia. Tia el tekoi a lullisiich er ngii er sel mlo merek el ileakl el ta el sils el ongdibel er kid. Ngike el odam el oldingel a ongdibel a mlo otebedii a cheldecheduch el “Mousbech er a Klisichel a Tekingel a Dios el Ngar er a Omesiungem.” Ngsebechem el lmatk aike el mle meklou a ultutelel el tekoi er tia el cheldecheduch?

• Ngera uchul me a tekingel a Jehovah a kuk mesisiich er a tekinged?​—2 Ti. 3:16, 17.

• Ngmekerang a Biblia e sebechel el omeksemeriar er kid, e losmechokl a uldesued, e longikiid a rengud, e lomekrael er kid?​—Momes er a Ongkerongel, June 1, 2012, 27 el llel, par. 7.

• Kede mekerang e ocheuir a uldesuel a chad el mo oba omengull el mo er a Tekingel a Dios sel dechiuii a bades el mo er ngii?​—Momes er a Ministry School el babier, 148 el llel, par. 3-4 me a March 2013 el Omesiunged el Kirel a Renged, 6 el llel, par. 8.

• Ngera me ngklou a ultutelel el bo dungil el mesaod a bades el donguiu, e mekerang a doruul er tiang?​—Rel. 17:2, 3; momes er a Ministry School el babier, 154 el llel, par. 4 el mo er a 156 el llel, par. 5 me a Ongkerongel, February 1, 2010, 19-20 el llel, par. 16-17.