Kau Ke Blechoel Ousbech er a JW.ORG Contact Card?

A urered el omerk er a klumech a kmal orechudel er chelecha el olekedang a klou el ringel. (Osi 24:11, 12, 20) Me ngsebeched el ousbech a contact card el omekrael er a rechad el mo er a Biblia me a website er kid a lsoad el olengeseu er tir. Tia el card a ngar er ngii a code er ngii el ngoikid el mo er a video el Ngera Me Ngkirem el Mesuub er a Biblia? me a ongit el kirel a omesubel a Biblia me a lmuut el bebil er a omesodel. A rebebil er a rechad a diak el sorir el melai a babier engdi te kongei el mo omes er a website er kid. Me lak momai er a rengum a mesterir a contact card. Nguaisei, engdi ngdiak momesterir tirke el diak el semeriar a contact card.

Me sel moruul a chelsengum er a bek el sils, e ngsebechem el rullii a chad el mo semeriar sel mdu el kmo: “Ngar er ngii a soak el meskau. Tia el card a ngoikau el mo er a website el ngar er ngii a betok el video me a omesodel a kakerous el tekoi el ngii a diak el ocheraol.” (Jn 4:7) Ngii el mekekerei, me ngbeot er kid a olab el omesterir a rechad er a bek el techall.