Mousbech er a Home Page er a JW.ORG Sel Momerk er a Klumech

A home page er a website er kid a ngar ngii a suobel me a video el mleketmokl el mo olechau a rengrir a remelemalt a rengrir el chad er a buai. (Rel 13:48) Ngblechoel el mesaod a topic er a news me a lechub e ngtekoi lolatk me a lechub e te mesaod a rechad.

Ngmekera sebechem lousbech er a home page er a jw.org sel momerk er a klumech?

• Bo blechoel el check er a website. Molatk el kmo ngngera suobel el ngar ngii, me a rolel e ngsebechem lousbech er ngii lolengeseu er a resemeriar. (A lsoam a lmuut el bebil er a suobel el tilobed er a home page, e betir a “See More.”) Sel bo modengei aike el me tobed er a website e ngmo betok a beches el tekoi el sebechem lousbech sel momerk er a klumech.

• Mousbech a suobel me a video el me der er a home page lomuchel a cheldechedecham. Sel tobed er a home page a sebechel ngosukid el mo medengei el kmo ngngera te melatk a rechad er a territory er kid.

• Mochotii a home page el mora rechad. Mouchais a ileakl el topic, e mochotii a rolel e ngsebechel metik a lmuut el betok el ngar er a website.

• Share er a link. A rebebil er a rechad a diak el sorir el mengedecheduch er kid engdi te locha kongei el mora website er kid. Me lak momai er a rengum a send er a link er a home page, me a lechub e ng link er a ileakl el suobel me a lechub e ng video el ngar er a home page.