Lmuut el Mo Ungil a Duch er Kid el Ngar er a Omesiunged​—Mengedecheduch er a Rokui el Chad el Ngar er a Territory er Kid

A UCHUL ME NGKLOU A ULTUTELEL: A Sekaria a ulemlaoch el kmo a rechad er a kakerous el omelekoi a mo kongei er a ungil chais. (Sek 8:23) Engdi ngtecha mo olisechakl er tir? (Rom 10:13-15) Kid a ngar er ngii a ileakl el techelled me a ngerecheled el mo ouchais er a ungil chais el mo er a rokui el chad el ngar er a territory er kid.​—od-E 84 par. 10-11.

ROLEL A MORUUL ER NGII:

• Bo mongetmokl er kau. Ke metik er a rechad er a ngodech el beluu el kiei er a chelsel a territory er kau? A leuaisei, e ngsebechem el ousbech er a JW Language app el suubii a kedeb el rolel e ngsebechem el mengedecheduch er tir el ngar er a omelekingir. Me a lechub e ngsebechem el ousbech er a dengua er kau el ochotii a rolel e ngsebechir el mo er a jw.org e metik a lmuut el betok el suobel el ngar er a omelekingir

• Bo el biusech a medam. A lsekum e ke oldingel a obliil, e mousbech a bek el techall el omerk er a klumech el mo er tirke el me engelakl me tirke el ngar er a mlirir el mengiil. E a lsekum e ke ousioning er a buai, e bo blechoel el melatk er sel uchul me ke omerk er a klumech

• Bo el blak a rengum. Molemolem el osiik er tirke el dimlak el ngar er a blirir er sera omkot el oldingel er a basio. Molasem el mengedecheduch er a chad er a bek el blai, alta ngkirem el mong er a kuk ngodech el taem me a lechub e ngngodech el sils. A rebebil er a rechad er a blai a locha mo kired el mengedecheduch er tir el oeak a tengami, me a dengua, me a lechub e sel doldingel el merael a rael

• Bo mkerekikl er tir. Di mereched el lmuut el mo oldingel er tirke el semeriar. A lsekum a chad a ngodech a omelekingel, e msikii a chad el medengelii a omelekingel el sebechel ngosuir. Ngkirem el melemolem el oldingel er ngii el chad el dimerekmo el bo er ngii a publisher el medengelii a omelekingel a mo oldingel er ngii.​—od-E 94 par. 39-40

MOMES ER A VIDEO EL PREACHING IN “THE MOST DISTANT PART OF THE EARTH,” E MOSAOD AIKA EL KER:

• Ngera mle kirir a rudam me a rudos el kutmokl me bo el sebechir el mo oldingel er a rechad el mla er aike el cheroid el territory? (1Ko 9:22, 23)

• Ngera el omelsemai a blo el chebangel?

• Te mlo meridm a ngera el klengeltengat?

• Ngera sebechem el meruul me bo mongedecheduch er a rebetok el chad el ngar er a territory er kau?