Lmuut el Mo Ungil a Duch er Kid el Ngar er a Omesiunged​—Bo Dekltmokl el Melodech a Cheldechedechad

A UCHUL ME NGKLOU A ULTUTELEL: A rengellitel me a rekuk bebil el sib a mengemedaol er a rebek el bedengir a rechad el me “nguu a ralm er a klengar el diak locheraol.” (Och 22:17) Tia el okesiu el ralm a omtechei aike el rokui el tekoi el loruul a Jehovah el olsobel er a rebekongesenges el chad er a klengit me a kodall. Me a lsoad el ngosuterir a rechad el kakerous a siukang me a klaumerang er tir, e ngkired el omerk er a “diak a ulebengelel klumech er a Ungil Chais” er a rolel e ngomeksemeriar er a derta el chad.​—Och 14:6.

ROLEL A MORUUL ER NGII:

• Dengiltii a tekoi me a bades el olechau a rengrir a rechad el doldingel er tir. Ngsebeched el ousbech aike el rolel a domuchel a cheldechedechad me a lechub e ngungil rolel a cheldecheduch. Ngera el tekoi me a bades a kmal sorir a rechad? Ngar ngii a beches el chais er a beluu el ngar er a uldesuir a rechad? Ngera el tekoi a omeksemeriar er a sechal me a lechub e ngredil?

• Sel mongedecheduch er a rechad er sel beluu el omngar ngii e moutkeu er tir lokiu a rolel a siukang er tir.​—2Ko 6:3, 4

• Bo mungil medengei aike el babier me a video el ngar er a Blil a Dongu el Kirel a Osisechakl me bo el sebechem el ousbech el mengedecheduch er a rechad

• Download a tekoi el ngar er a omelekingir a rechad el kiei er a basio el omoldingel er ngii

• Mngedechii a cheldechedecham el mo oltirakl er sel lousbech er ngii a chad er a blai. (1Ko 9:19-23) El ua tiang, ngera ke mo dmung a lsekum e ke mo medengei el kmo a chad er a blai a dirk mlad a betik er a rengul?

MOMES ER A VIDEO, E MONGER AIKA EL KER:

• Ngera el tekoi a lulemuchel a publisher el mesaod el mora chad er a blai?

• Ngera el tekoi a lechillebangel er ngii a chad er a blai?

• Ngera el bades a mle ungil el kirel a tekoi el dilubech, e ngera uchul?

• Ngmekera omolodech er a cheldechedecham el mo omeksemeriar er a rechad el moldingel er tir?