Mousbech a Tekoi el Dirk Dilubech Lomerk er a Klumech

A Jesus er a loruul er a omesiungel e nguluusbech a tekoi el dirk dilubech lolisechakl. (Lk 13:1-5) Kau me ngdirrek el sebechem lousbech a tekoi el dirk dilubech lomeksemeriar er a rechad er a klumech er a Renged. Uriul er a omosaod el kirel a ringelel a siungel a klengar, telemellel a beluu, uldikel, usbechel a mekngit a kar, me a lechub ngkmung ngerang el kmeed losisiu, e moker er tir a ker el rulleterir el mo omdasu. El ua tiang, ngsebechem loker: “Omomdasu e ngmo er ngii a ulebengelel a . . . ?” me a lechub “Omomdasu e ngngera sebechel sumecheklii a . . . ?” E mochotii er ngii a bades el mesaod er tia el tekoi. A lsekum a chad ochotii a klemeriarreng e mochotii er ngii a video me a lechub e ngta er a babier el ngar er a Blil a Dongu. Chelecha el dolasem el remutech a rengrir a rokui el chad er a territory e ‘doruul [a] tekoi el rokui a di kirel a Ebangkelio.’​—1Ko 9:22, 23.

Ngera el tekoi a locha mo sorir a rechad er a territory er kau?