Mketmeklii a Rengum

Sel dosuub er a Biblia e ngsoad a uldesuel a Jehovah a lengar ngii a lerellii er a rengud me a lechub e ngngike el mera el kid er a chelsel. A Esra meskid a ungil kerebai er tiang er a ‘leketmeklii a rengul el mo mesuub er a Llach er a Jehovah.’ (Esr. 7:10, NW) Ngmekera deketmeklii a rengud?

Moluluuch. Uchei er omomuchel el mesuub e moluluuch. Molengit er a Jehovah me lengesukau el mo understand e oltaut aike el msuub.​—Psa. 119:18, 34.

Bo lengariou a rengum. A Dios omart er a klemerang er tirke el mekedidai a rengrir e di ultuil er a llemesir. (Lk. 10:21) Lak mosuub e moruul research lekau el soam lolecholt er a klemedengei er kau. E bo lengariou a rengum e molodech a uldasu el molab el diak el loltirakl er a soal a Dios.

Morrenges er a ta er a chelitekled er a Renged. A ongngak a ngar ngii a klisichel el mengedecheduch er a rengud e prepare er kid el mo meruul omengull er kid. Omorrenges er a ta er a chelitekled er a uchelel omesubem e ngsebechel ngosukau el kutmeklii a rengum.