Watchtower ONLINE LIBRARY

Nigerian Pidgin

mwb16 April p. 3
Talk Wetin Go Make People Strong for Mind, Mek Dem Fit Do More

Life Wey We Dey Live as Christian and How We Dey Preach—Meeting Book (2016)

mwb16 April p. 3

BETTER THINGS WEY DEY INSIDE BIBLE | JOB 16-20

Talk Wetin Go Make People Strong for Mind, Mek Dem Fit Do More

E good mek person wey dey give people advice use word wey go make dem strong

16:4, 5

Job dey suffer, e no happy and e dey feel strong pain. Wetin e need na mek people come support am and tell am wetin go make im mind strong
The three friend wey Job get blame am for many many things. The things wey dem talk add join im problem. Dem no talk anything wey go help Job mek im mind strong

When Job dey for wahala, wetin Bildad tell am spoil im mind well well, and e even make am cry

19:2, 25

Job beg God for different things to help am comot from the plenty wahala wey e dey face. E even beg God sey e want die
Job get am for mind sey even if e die, e go fit come life again. This one make am mek e fit bear the wahala and mek e no stop to dey serve God

Eliphaz dey talk to Job, Bildad and Zophar dey look am

PEOPLE WEY DEY BLAME JOB

Eliphaz:

E fit be sey na from Teman wey dey Edom e come from. Jeremiah 49:7 talk sey Teman na place wey Edom people dey stay and dem get sense well well
Na Eliphaz first talk. E be like sey na im old pass among the three people wey come ‘try make Job happy,’ and na im dey do like oga pass. Na three times e talk and wetin e talk long pass the remaining two people own

Wetin e talk to blame Job:

Na im laugh Job as Job no stop to dey serve God, and e still talk sey God no trust people wey dey serve am (Job 4, 5)
E talk sey Job na wicked person and e like to do wetin dem no send am. E still talk sey Job no dey fear God (Job 15)
E talk sey Job na selfish person and e like to dey do partial. E even talk sey people dey useless for God eye (Job 22)

Bildad:

E come from Shuah family. E fit be sey the place wey e stay near the river wey dem dey call Euphrates
Na im be the second person wey talk. Na three times e talk. Wetin e talk no long reach Eliphaz own but e worse and e dey pain for body pass Eliphaz own

Wetin e talk to blame Job:

E talk sey Job children suppose die and e good sey dem die because dem don sin well well. E still talk sey Job self don leave God (Job 8)
E talk sey Job no know God (Job 18)
E talk sey person wey dey do everything wey e fit do to serve God just dey do am for nothing (Job 25)

Zophar:

E come from Naamah, Naamah fit dey northwest of Arabia
Na im be the third person wey talk. Wetin e talk worse pass the one wey Eliphaz and Bildad talk. Na only two times e talk

Wetin e talk to blame Job:

E tell Job sey wetin e talk no make sense. E still tell am sey mek e comot im hand from the bad bad things wey e dey do (Job 11)
E talk sey Job na wicked person wey like to dey sin (Job 20)