‘Follow Jehovah Law’

To follow Jehovah law mean sey we go bring ourself down and let Jehovah guide everything wey we dey do. For inside Bible, we get many better example of people wey trust Jehovah law and follow am, like the person wey write Psalm 119.

If we follow God law, we go dey happy

119:1-8

Joshua show sey e really trust Jehovah to guide am well. E know sey e go happy and everything wey e dey do go get head, if e trust Jehovah with all im mind

When we dey face wahala, Bible fit give us the kind mind wey we need to bear am

119:33-40

When Jeremiah dey for inside wahala, e show sey e get mind and trust Jehovah. E make im life simple and continue to dey do the work wey God give am

We go get mind to preach if we sabi wetin dey inside Bible well well

119:41-48

Paul no fear to tell anybody about God message. E no fear to preach to Governor Felix, because e know sey Jehovah go help am

Where I fit really show sey I get mind to tell people about Jehovah?

• School

• Work

• Family

• Other