Make Your Hope Dey Make You Happy

Hope be like strong chain wey hold something make e no comot from where dem put am. (Heb 6:19) Our hope dey help us make we no leave Jehovah when problem dey no matter how the problem strong reach. (1Ti 1:18, 19) The problem fit be sey wetin you want do no get head, poverty, sickness, your person die, or any other thing wey fit test your faith.

Our faith and hope dey us help put mind for all the things wey Jehovah don promise. (2Co 4:16-18; Heb 11:13, 26, 27) Whether our hope na to go join Jesus rule for heaven or to stay for paradise, e good make we continue to dey think about everything wey God don promise us for Bible. So that when wahala come, e go dey easy for us to continue to dey happy.​—1Pe 1:6, 7.

WATCH THIS VIDEO MAKE YOUR HOPE DEY MAKE YOU HAPPY, AND ANSWER ALL THIS QUESTION:

• Why Moses be better example for us to copy?

• Which work Jehovah give papa?

• Which topic una fit use for una Family Worship?

• How your hope fit take help you when you get wahala?

• Which hope you get?