How We Go Take Sabi Wetin God Dey Talk?

Na Bible God dey use talk to us. 2 Timothy 3:16

God use people take write Bible. Wetin dem write no be their own, na wetin dey God mind dem write. Bible get better better things wey God want make we sabi.

As e be sey na God dey give people sense, na im sabi wetin go better pass for us. So, if we dey hear wetin God dey tell us, we self go get sense well well.—Proverbs 1:5.

God want make everybody read Bible. Today, Bible dey for different different language.

If you want know wetin God dey talk, make you read Bible so that you go fit sabi wetin dey inside.

Many people dey hear. Matthew 28:19

Jehovah Witness people go help you sabi wetin Bible dey talk.

For the whole world, dem dey teach people wetin dey inside Bible.

Everything wey dem dey teach people na free. If you go their Kingdom Hall you go still learn other things.