SONG 61
Jehovah Servants, No Stop!
(Luke 16:16)
1. Satan dey fight us, and e dey suffer us.
We get mind, we stand well, we no go stop to preach.
Jehovah our God dey support us.
We go stand; we know sey the end go soon reach.
(CHORUS)
Jehovah go dey with us, so we no go stop.
Na im be our God wey don give us work to do,
To go tell people sey im Kingdom go soon come.
We happy to dey work with Jehovah.
2. People dey laugh, some dey talk sey God no dey.
Some people dey blame God, dem sey e no just care.
Make we teach the truth for the whole world,
Make we help dem see sey God Kingdom dey front.
(CHORUS)
Jehovah go dey with us, so we no go stop.
Na im be our God wey don give us work to do,
To go tell people sey im Kingdom go soon come.
We happy to dey work with Jehovah.
3. Life fit dey hard us because we dey this world.
Because we dey serve God, and we support our Lord.
Make we no ever leave Jehovah.
If we stand well, we go fit live forever.
(CHORUS)
Jehovah go dey with us, so we no go stop.
Na im be our God wey don give us work to do,
To go tell people sey im Kingdom go soon come.
We happy to dey work with Jehovah.
(Still check Ex. 9:16; Phil. 1:7; 2 Tim. 2:3, 4; Jas. 1:27.)