SONG 75
God Abeg Send Me!
(Isaiah 6:8)
1. Some people talk sey God no dey
Some even dey ask “where e dey?”
Dem spoil God name, dem sey e bad,
Sey God no care as things dey hard.
Na who go preach to clear the blame?
Who fit come sing to praise God name?
(CHORUS 1)
‘My God, see me for here! Send me!
Na all my heart I take dey sing.
I don ready to do as you want,
God abeg, send me, send me!’
2. Some people dey serve god of stone,
E get some wey dey sey God slow,
Some no dey fear sey God dey see
Sey wetin dem dey do na sin.
Na who go warn dem make dem stop?
Sey Armageddon don dey come?
(CHORUS 2)
‘My God, see me for here! Send me!
I no go fear to warn dem well.
I don ready to do as you want,
God abeg, send me, send me!’
3. As bad things just dey ev’rywhere,
E come dey make life hard to bear.
Some people don dey try to find
Truth wey go give dem peace of mind.
Na who go teach dem make dem see
Sey truth from God go make dem free?
(CHORUS 3)
‘My God, see me for here! Send me!
Yes I go sofri teach dem well.
I don ready to do as you want,
God abeg, send me, send me!’
(Still check Ps. 10:4; Ezek. 9:4.)