SONG 89
Listen, Obey, and God Go Bless You
(Luke 11:28)
1. If we dey do wetin Jesus don tell us,
If we dey follow the things e don talk,
We go dey happy because God go bless us.
So make we do all wetin God dey talk.
(CHORUS)
Listen and make you obey.
Jehovah God dey talk sey,
Im go dey bless who obey ev’ry day.
Listen and make you obey.
2. The way we dey live our life go fit save us,
E fit be like house wey dey on top rock.
If we dey follow advice Jesus give us,
We go get faith wey go strong just like rock.
(CHORUS)
Listen and make you obey.
Jehovah God dey talk sey,
Im go dey bless who obey ev’ry day.
Listen and make you obey.
3. Our life fit be just like tree wey near river,
Wey get fine fruit when im season don reach.
God go bless us and we go live forever,
If we dey listen to wetin e teach.
(CHORUS)
Listen and make you obey.
Jehovah God dey talk sey,
Im go dey bless who obey ev’ry day.
Listen and make you obey.
(Still check Deut. 28:2; Ps. 1:3; Prov. 10:22; Matt. 7:24-27; Luke 6:47-49.)