MAKE WE DEY LIVE LIKE CHRISTIAN
How You Go Take Sabi Study Bible Well Well
When you dey face wahala, you no go like to be like Daniel? Daniel dey take time study God Word well, even the ones wey hard to understand. (Da 9:2) If you dey take time study Bible well, e go help you get strong faith. How? E go make your faith strong sey the things wey Jehovah promise go happen. (Jos 23:14) E fit still help you love Jehovah more, this one go move you to dey do wetin good for im eye. (Ps 97:10) But where you go start from? See some things wey you fit do.
Wetin I go study? Na better thing to dey always prepare well before meeting. If we take time to do research for Bible reading wey we no too understand, e go make meeting sweet well well that week. Another thing be sey, some people dey learn from the things wey God prophets talk for Bible, the different different character wey holy spirit dey help person get, how apostle Paul take travel go preach for different different place, or even the things wey Jehovah make for this earth. If question wey concern Bible matter come your mind, write am down, and make am the topic of your next personal study.
Where I go see the answer? Do research. Watch this video, e go help you: Things Wey Go Help Us Study Bible. Do research to see if you go know the government wey the big big animal wey dey Daniel chapter 7 stand for.
How many hours I suppose take study? To dey study Bible all the time dey help person fit serve Jehovah well. You fit start with small time, as you dey study dey go, you go dey spend more time. To dey study Bible be like when person dey find better thing like gold, for inside ground. As you dey dig, and dey see am, you go dey dig for more. (Pr 2:3-6) You go come like to study Bible more more. This one go make Bible study be part of your life.—1Pe 2:2.
THE BIG BIG ANIMAL WEY DEY DANIEL CHAPTER 7, WETIN DEM STAND FOR?
Da 7:4
Da 7:5
Da 7:6
Da 7:7
EXTRA QUESTION:
How Daniel 7:8, 24 don take happen?
NEXT TOPIC:
Wetin the big big animal wey dey Revelation chapter 13 stand for?