SONG 54
This Na the Road
(Isaiah 30:20, 21)
1. E get the road wey Jesus Christ
don talk about.
The road wey all God people
don dey learn about.
The road wey nobody go
fit dey make us fear.
This na the road wey go bring
peace come everywhere.
(CHORUS)
This na the road to life; Follow the road.
No let the world, change your mind from this road!
Jehovah God don arrange the road.
No leave this road, because na road to life.
2. E get the road wey God dey use
dey show us love.
Jehovah don use Bible
show us how to love.
The kind love wey dey strong,
the love wey no fit spoil.
The road to love wey go help us
serve God with joy.
(CHORUS)
This na the road to life; Follow the road.
No let the world, change your mind from this road!
Jehovah God don arrange the road.
No leave this road, because na road to life.
3. E get the road wey God dey use
dey give us life.
And God don promise us;
we go enjoy the life.
We go enjoy the peace and love
wey God go show.
This road go lead us go the place
wey we dey go.
(CHORUS)
This na the road to life; Follow the road.
No let the world, change your mind from this road!
Jehovah God don arrange the road.
No leave this road, because na road to life.
(Still check Ps. 32:8; 139:24; Prov. 6:23.)