Make We Dey Come Meeting

1. This world wey we dey e dey hard to serve God,

People no dey put God for mind.

If we want serve God and we no want leave am,

We need wetin fit help us stand.

Our meeting dey help us make we get strong faith,

Our meeting dey help us get hope.

Na there we fit see people wey go help us,

When problem don tie us like rope.

Make we no miss meeting, the end go soon come,

Make we try dey do all our best.

Na meeting dey teach us wetin we fit do,

So that we go fit pass the test.

2. Jehovah wey make us know wetin we need,

E know how we try dey survive.

If we trust Jehovah, we go obey am,

Remember na im give us life.

Make we no forget sey this world go soon end.

And if we go survive this world,

Na brothers and sisters go fit support us,

Make we fit get strong faith for God.

So we no want tire as we dey serve God,

This meeting na wetin we need.

When Jehovah give us im holy spirit,

Ev’rything we do go work well.