Make We Dey Support Each Other

1. E good make we support each other,

As we dey serve Jehovah God.

We want show sey we love each other,

No be like people for the world.

Na true sey different things fit happen,

Dem fit dey make us want tire.

But when we always dey come meeting,

This one go help us dey endure.

2. Na friends wey love God go fit help us,

Because dem be like family.

The word wey dem go talk fit help us,

This word go cool us for body.

Because dem join dey serve Jehovah,

Dem know the kind life wey dey front.

And anytime we dey face problem,

This friends go give us their support.

3. We really need to dey come meeting,

Because we know the end don near.

We know sey meeting dey fit help us,

When trouble come, we no go fear.

From now, and even reach forever,

We want dey hold Jehovah tight.

Abeg, make we support each other,

And we go get strong faith for God.