Plenty People Accept The Truth!

JESUS talk-am before say for the time of the end, e disciples go help plenty people come worship Jehovah. (Matt. 9:37; 24:14) The thing wey Jesus talk happen for one place wey them de call Transcarpathia, for Ukraine. For there, three town near each other and they get 50 congregation and their publishers pass 5,400.a Our brothers really plenty for this three town. If you divide the number of people, for inside four people, one of them go be Jehovah Witness.

How people for this area de see our preaching work? Vasile na one of our brother, and e de live for that area. E talk say: “People for here de respect Bible. They hate partial, they get love for their family, and they love to help people. E still talk say: Even though they no de accept wetin we believe everytime, them de really listen when you read something from Bible.”

Preaching for Transcarpathia no easy because Jehovah Witness plenty for there. For example, one congregation get 134 publishers but they get only 50 house for their territory! So, how brothers and sisters dey manage preach for this area?

Plenty brothers and sisters de use their time go preach for area wey Jehovah Witness no too dey. Brother Ionash dey 90 years and e talk say: “If you divide all the house for our territory, e go mean say 1 publisher go preach for 2 house.” E still talk say: “Now I de preach inside our village because my body no too strong again. Before-before, I de travel about 100 miles (160 km) go preach for place wey need dey. And I de use Hungarian language preach.” Publishers for here need to leave other things so that they fit go preach for another place. Brother Ionash talk say: “I de wake up four o’clock for morning so that I no go miss train. And I go preach until six o’clock for evening, when train de go back. I de travel go preach like this two or three times every week.” How Brother Ionash de feel? E talk say: “That style of preaching really make me happy.” E still talk say: “I happy as I get chance to help one family learn the truth for place wey congregation no dey.”

For this area, we know say no be everybody for congregation fit travel go far place for preaching. But all of them, even young and old publishers, de try preach to everybody for their territory. Na e make for 2017, people wey they come Memorial from this three town almost reach two times the number of publishers for this area, or half of the people for the three town. No matter the place wey we de serve, make we know say we get “plenty work to do for the Lord.”​—1 Cor. 15:58.