Ngimbo

125 Athu ana sha mutshima gudi Yehowa

adi gifua mulundu wa Siona, unu wajiyilego gunyigishiwa

uvi wana khala ivo nu ivo.

 2 Gifua luholo milundu yana jieta Yelusalema,

Yehowa nji wana jieta athu enji

sendese mangino uu mayilago.

 3 Muhango wa athu abola mbawushigo musala holu dia gifutshi giahanewe gudi athu abonga,

hagula athu abonga asendesago gukalagala ndaga jiabola.

 4 Oo Yehowa, kalegela athu abonga ndaga mu luholo luabonga,

athu adi nu mitshima yaphelegeta.

 5 Mukunda nu athu adi mulandula njila jiawo jiabola,

Yehowa mbawaakatula hamoshi nu athu abola.