Ngimbo

129 “Ana gunguluisa tangua diagasue sendese ulenge wami”

—Isalele izuele henyaha egi—

 2 “ana gunguluisa tangua diagasue sendese ulenge wami;

uvi ana gungubinga ndo.

 3 Adimi a mahia angudima ha kunda;

amba mihanga yaleha.”

 4 Uvi Yehowa udi Nzambi wabonga;

wabatula ngonji jia athu abola.

 5 Athu agasue anyi anago guzumba Siona, mbaavishiwa musonyi,

mbaalenga nu musonyi.

 6 Ene mbaabua gifua muangu holu dia yangi

udi mudianga gumigina gutuama egi awukatule,

 7 unu wajiyilego guzala ha koko dia muthu udi mukatula mbuto

nga ha koko dia muthu udi mubungisa itungu ya mbuto.

“Yehowa agushimbige;

tudi gugushimbiga mu jina dia Yehowa.”