Ngimbo
Gudi mutuameji wa miziki. Lungimbo lua Davidi.
20 Yehowa aguhane mvutu mu tangua dia lamba.
Jina dia Nzambi wa Yakoba digubambe.
2 Aguhane ukuateshi udi mukatuga ha fundo dia gijila,
ukuateshi udi mukatuga gu Siona.
3 Awunguluge milambu yaye yagasue;
atshigine milambu yaye ya guwotshia nu mutshima wagasue. (Sela)
4 Atagenese nzala jia mutshima waye,
abingise ndaga jiagasue udi mutshigina gutshita.
5 Mbatumba miyelele ya gusuanguluga handaga udi muhuluishi wetu;
mbatutumbuisa jina dia Nzambi wetu.
Yehowa atagenese ndaga jiagasue udi mulomba.
6 Henyaha ngajiya egi Yehowa wahuluisa muthu wambile muene maji.
Wamuhana mvutu mu dilu ha fundo dienji dia gijila,
wamuhuluisa* nu koko dienji dia madia dia ngolo.
7 Athu ako ana sha mutshima gu phusu-phusu jia ita, ako gu tubalu,
uvi esue tuana tamega jina dia Yehowa Nzambi wetu.
8 Athu ene akhakhuga, abua hashi,
uvi esue tuazugi, tuahetshi luko ngolo.
9 Oo Yehowa, huluisa fumu!
Nzambi* mbawutuhana mvutu mu lusugu mbatumutoga ukuateshi.