Ngimbo

26 Oo Yehowa, ngusophese, handaga ngawendele mu luholo luatagana;

ngashile mutshima wami gudi Yehowa, ngabuilego tunga-tunga.

 2 Oo Yehowa, ngutale muabonga, ngulole;

phelegetesa matangi* ami a mukatshi nu mutshima wami.

 3 Guzumba guaye gua giamatshidia guana khala tangua diagasue gutuama diami,

ngana wenda mu giamatshidia giaye.

 4 Ngana kuata ndo ufuta* nu enya mambo,

ngana tuna athu ana suega umuthu wawo.*

 5 Ngana tshigina ndo guwenda nu athu adi nu makalegelo abola,

ngana tuna gukuata ufuta* nu athu abola.

 6 Mbanguwevua mago ami ha gumonesa egi ngushigo nu gubola,

Oo Yehowa, mbanguwenda mu khulo ya giwotshielo giaye,

 7 ha guguhana mersi mu dijui diakola,

nu ha gulongesa midimo yaye yagasue ya gushimana.

 8 Yehowa, ngana zumba inzo wana khala,

fundo lutumbu luaye luana khala.

 9 Ungushiyigo nu athu abola,

ungushiyigo hamoshi nu enya khuta,*

10 anyi ana kalagala ndaga jia musonyi,

nu anyi ana tshigina gabatshi’a kano.