Ngimbo
Gudi mutuameji wa miziki. Idi naye gushigiwa mu Gitite.* Lungimbo lua ana a Kora.
84 Ngana zumba tabernakle yaye yakoma muavula diago,
Oo Yehowa Nzambi wa masuta!
2 Ngudi mumba isugu,
ayi, ngahuila nu gumba isugu
mukunda nu ibanzala ya Yehowa.
Mutshima wami nu muila wami udi mumba miyelele mukunda nu Nzambi wa monyo.
3 Nu gene ganjila gaheta fundo dia gukhala guene,
galanda-landa* gatunga kianzu gienji,
gadi mubamba mawunda* enji muene
hehi nu giwotshielo giaye giakoma, Oo Yehowa Nzambi wa masuta,
Fumu wami, Nzambi wami!
4 Gusuanguluga gudi nu athu ana khala mu inzo yaye!
Ana landula gugutumbuisa. (Sela)
5 Gusuanguluga gudi nu athu anyi wana hana ngolo,
anyi mitshima yawo idi mu njila jiakoma.
6 Tangua ana zawuga baba dia Baka,
ana gudibuisa gifua fundo didi nu ito ya mita;
mvula ya thomo yana gudizalesa nu ima yagasue yabonga.
7 Ene mbaaheta ngolo jiavula tangua adi muwenda;
muthu wagasue waza gutuama dia Nzambi gu Siona.
8 Oo Yehowa Nzambi wa masuta, vua gisambu giami;
tegelela, Oo Nzambi wa Yakoba. (Sela)
9 Tala, Oo tshibu yetu, Nzambi wetu,
tala phala ya muthu waye wambile maji.
10 Lusugu lumoshi mu ibanzala yaye luabalega masugu 1 000 ha fundo diko!
Ngatombi ha gumagana ha mufulo wa inzo ya Nzambi wami
ha fundo dia gukhala mu tenta jia athu abola.
11 Handaga Yehowa Nzambi udi gifua muanya nu tshibu;
wana monesela athu gisemo nu wana guahana lutumbu.
Yehowa mbagashigo mutuna guhana ima yabonga
gudi athu ana khala ya gujinginyina.
12 Oo Yehowa Nzambi wa masuta,
gusuanguluga gudi nu muthu wana gugushila mutshima.