Ndaga Jiajiya Gugukuatesa ha Gutanga Biblia Lusugu nu Lusugu

Luholo wana khala nu ndaga jiavula jia gukalagala mu lusugu, yana khala lamba gudi aye ha gunemesa programe yaye ya lutango lua Biblia lusugu nu lusugu ba? (Yosh. 1:8) Gula idi ngenyi, malongo awa alandula ajiya gugukuatesa:

• Haga alarme. Haga alarme mu telefone yaye nga gu apareyi iko hagula yajiya guguwunguluisa tangua dia gutanga Biblia.

• Haga Biblia yaye ha fundo wajiya guyimona tangua diagasue. Gula wana tanga Biblia ya papie, ihage ha fundo wajiya guyimona tangua diagasue.​—Mikh. 11:18.

• Khala mutegelela enregistrement jia lutango lua Biblia. Khala mutegelela enregistrement jiene tangua udi mutshita midimo yaye iko. Phangi Tara udi mvuaji, udi nji muvundji wa njila nu wana tshita mudimo mu phipha; udi muzuela egi: “Gutegelela enregistrement jia lutango lua Biblia tangua ngudi mutshita midimo yami, guana gungukuatesa ha gubamba programe yami ya lutango lua Biblia.”

• Ubembigo. Gula ndaga imoshi yagubuila nu yatshita egi utangigo Biblia gifua muana khala programe yaye, wajiya gutanga nga verse jiazonda gutuama dia gubanda. Mbawukhala nu gusuanguluga gula udi mutanga nga verse jiazonda mu lusugu.​—1 Phet. 2:2.