Khala Mukolesa Gutshigina gua Aphangi’aye Aklisto

Mukut’etu agasue tuana suanguluga gubalegesa tangua nu aphangi’etu a mala nu a akhetu. Uvi gula tudi mutshigina gukalegela tangua diene ha guhana aphangi’etu gikhesa, tushigo naye gusuga phamba ha gukhala nawo hamoshi. Biblia yana gututoga ha gudihana gikhesa nu ha gukolesa gutshigina gua aphangi ako. (Roma 1:11, 12) Luholo lutshi wajiya guyitshita?

Tomba mbimbi jiabonga. Ha gufezegesa, tangua mudi mu gudibungisa, ha fundo dia guhana komantere jidi muzuelela phamba ndaga jiaye nga matangi aye, wajiya guzuelela ndaga jiatadila Yehowa, Biblia nga akombeledi enji agujinginyina. Tangua udi muta maga nu aphangi ako, khala muzuelela ndaga jidi muhana gikhesa.

Khala mutshita egi badesio aye nu makalegelo aye ahane athu ako gikhesa. Ha gufezegesa, gula athu ako amona egi aye gaye mulandula gutshita mudimo wa tangua diagasue ikhale udi mutagana nu malamba, mbayakuatesa ha gukolesa gutshigina guawo. Nga ndo, mbaasuanguluga ha gumona egi aye gaye mulandula guza mu gudibungisa gua mukatshi dia phoso ikhale wana tshita mudimo wana guguzula tangua diavula nga ndo wana gukata.

Mbimbi jiaye nu makalegelo aye ana hana aphangi’aye gikhesa ba? Wana mona nji ndaga jiana tshita aphangi ene ha guguhana gikhesa ba?