Tukudise Luholo Luetu lua Gulongesa Mbimbi ya Nzambi​—Zuelela Ndaga mu Luholo Luajiya gu Guhana Njila ya Guvutugila Luko Muthu

IDI NU NDANDO ITSHI:

Tangua tuana gukuna mbuto jia matshidia, tuana gutshigina gujimbila meya. (1Kol 3:6) Tangua tuaheta muthu wamonesa nzala ya gulonguga, tudi naye gumubembela muhu umoshi hagula tumuvutugile luko ha gumuhana mvutu. Gukalagala luholo luene guajiya gukuatesa muthu muene adiangele gutangiza ndaga mbatuzuelela, guajiya luko gutukuatesa ha gudilondega muabonga. Gila tuamuvutugila, tuajiya gumuwambela egi tueji gumuhana mvutu ya muhu tuabembele lusugu luasuga tuadimonele nenji.

LUHOLO LUA GUYIKALAGALA:

• Tangua wana gudilondega ha gulongesa inzo nu inzo, tangiza muhu umoshi wajiya guhula muthu hagula umuhane mvutu tangua mbawumuvutugila. Mvutu gu muhu wene yajiya gukhala mu mukanda udi guhana lusugu luene. Uvi, mvutu yene yajiya luko gukhala mu mikanda tuana gulongesela athu Biblia, mbawumubatela lusugu lua gumuvutugila.

• Hagusugisa gusolula nu muthu wamonesa nzala ya gulonguga, muwambele egi wasuanguluga gusolula luko n’enji, gungima mubembele muhu walondega. Muhule fundo ana gukhala, wajiya luko gumulomba nimero yenji ya telefone.

• Gila wamudijiga lusugu nga tangua mbawumuvutugila, taganyisa laji diaye.​—Mat 5:37.