Tukudise Luholo Luetu lua Gulongesa Mbimbi ya Nzambi​—Guvutugila Athu Asuangulugile nu Giamatshidia

MUKUNDA NATSHI IDI NU NDANDO: Athu avula ana gusuanguluga nu lukuma lua Ufumu ana gukamba gujiya giamatshidia giatadila Nzambi. (Yesh 55:6) Hagula tuaalongese muabonga mbimbi ya Nzambi, tudi naye guaavutugila iphungu yavula. Athu adi mutagana nu malamba a luholo nu luholo. Hene, luholo luetu lua guaalongesa tangua tudi guaavutugila ludi naye gusombegesa. Uvi, hagula tuaakuatese muabonga, tudi naye gudilondega muabonga ha gukuata mitshima yawo nu gusendesa guaalongesa Biblia.

LUHOLO LUA GUYIKAGALA:

• Kalagala ngolo ha guvutugila athu ene mu phushi, masugu azonda gungima.​—Mat 13:19

• Abuise mafut’aye, enji anemese. Ukhadigo nu ndaga jiakola-kola

• Sendesa guaahana lumene nu gusuanguluga guagasue. Atamege mu majina awo. Awunguluise mukunda natshi wavutuga guaatala. Yajiya gukhala egi wavutuga ha guaahana mvutu gu muhu umoshi, ha guaahana zulunalu ihe-ihe, ha guaadijiga site Internet yetu, ha guaatalesa video, ngando ha guaamonesa luholo lua gulonguga Biblia. Gula muthu muene wasuanguluga nu ndaga iko, mukuatese.​—Fili 2:4

• Mba meya mu khenyi jia giamatshidia jia kunyiwa mu mitshima ya muthu, luko tanga nu muthu muene verse ya Biblia enji mubembele mukanda nga zulunalu. (1Kol 3:6) Kamba gukuata nenji ufuta

• Zuelela ndaga mu luholo luajiya guguhana njila ya guvutugila luko athu ene