Ezela
2 Wawa majina a athu akhalele mu provense anyi akatugile gu Babilona. Fumu Nebukadenezale wayile nawo mu uhiga gu Babilona, gungima avutugile gu Yelusalema nu gu Yuda muthu nu muthu mu dimbo dienji. 2 Athu atuamezele athu ene akhalele, Zolobabele nu Yeshua nu Nehemiya nu Selaya nu Lelaya nu Mordekayi nu Bileshana nu Misephale nu Bigevayi nu Lehuma nu Bana.
Mutango wa mala a gu Isalele wene owu: 3 Ana a Palosha a mala akhalele 2 172; 4 Ana a Shefatia a mala akhalele 372; 5 Ana a Alaha a mala akhalele 775; 6 Ana a Phahata-Moaba a mala, mukatshi dia ajigulu a Yeshua nu Yoabe akhalele 2 812; 7 ana a Elama a mala akhalele 1 254; 8 ana a Zatu a mala akhalele 945; 9 ana a Zakayi a mala akhalele 760; 10 ana a Bani a mala akhalele 642; 11 ana a Bebayi a mala akhalele 623; 12 ana a Azegade a mala akhalele 1 222; 13 ana a Adonikame a mala akhalele 666; 14 ana a Bigevayi a mala akhalele 2 056; 15 ana a Adine a mala akhalele 454; 16 ana a Atele a mala anyi akhalele ajigulu a Ezekiase akhalele 98; 17 ana a Besayi a mala akhalele 323; 18 ana a Yola a mala akhalele 112; 19 ana a Hashuma a mala akhalele 223; 20 ana a Gibale a mala akhalele 95; 21 ana a Beteleheme a mala akhalele 123; 22 mala a gu Netofa akhalele 56; 23 mala a gu Anatota akhalele 128; 24 ana a Azemavete a mala akhalele 42; 25 ana a mala a gu Kiriyate-Yalima nu gu Kefila nu gu Belote akhalele 743; 26 ana a mala a gu Rama nu a gu Geba akhalele 621; 27 mala a gu Mikemashi akhalele 122; 28 mala a gu Betele nu gu Ayi akhalele 223; 29 ana a mala a gu Nebo akhalele 52; 30 ana a Magabisha a mala akhalele 156; 31 ana a Elama muko a mala akhalele 1 254; 32 ana a Halima a mala akhalele 320; 33 ana a mala a Loda nu Hadida nu Ono akhalele 725; 34 ana a Yeliko a mala akhalele 345; 35 ana a Sena a mala akhalele 3 630.
36 Nganga-nzambi jiakhalele: Ana a Yedaya a mala, mukatshi dia ajigulu a Yeshua akhalele 973; 37 ana a Imele a mala akhalele 1 052; 38 ana a Pashule a mala akhalele 1 247; 39 ana a Halima a mala akhalele 1 017.
40 Enya Levi akhalele: Ana a mala a Yeshua nu Kademiele, mukatshi dia ajigulu a Hodavia, akhalele 74. 41 Ngimba jiakhalele: Ana a Asafe a mala. Mukut’awo agasue akhalele 128. 42 Ana a mala a abambi a mifulo akhalele: ana a Shaluma nu ana a Atele nu ana a Talamona nu ana a Akuba nu ana a Hatita nu ana a Shobai; mukut’awo agasue akhalele 139.
43 Athu akhalele mutshita mudimo gu tempelo* akhalele: Ana a Ziha a mala nu ana a Hasufa a mala nu ana a Tabaota a mala, 44 nu ana a Kelosa a mala nu ana a Siha a mala nu ana a Phadona a mala, 45 nu ana a Lebana a mala nu ana a Hagabe a mala nu ana a Akuba a mala, 46 nu ana a Hagaba a mala nu ana a Shalemayi a mala nu ana a Hanana a mala, 47 nu ana a Gidela a mala nu ana a Gahale a mala nu ana a Reyaya a mala, 48 nu ana a Lesina a mala nu ana a Nekoda a mala nu ana a Gazama a mala, 49 nu ana a Uza a mala nu ana a Phasea a mala nu ana a Besayi a mala, 50 nu ana a Asena a mala nu ana a Meunima a mala nu ana a Nefisima a mala, 51 nu ana a Bakebuka a mala nu ana a Hakufa a mala nu ana a Halehula a mala, 52 nu ana a Baseluta a mala nu ana a Mehida a mala nu ana a Halesha a mala, 53 nu ana a Balekosa a mala nu ana a Sisera a mala nu ana a Tema a mala, 54 nu ana a Nesia a mala nu ana a Hatifa a mala.
55 Ana a mala a enya mudimo a Salomo akhalele: Ana a Sotayi nu ana a Sofeleta nu ana a Pheluda, 56 nu ana a Yala nu ana a Dalekona nu ana a Gidela, 57 nu ana a Shefatia nu ana a Hatile nu ana a Phokeleta-Hasebayima nu ana a Ami.
58 Athu agasue akhalele mutshita mudimo gu tempelo* nu ana a mala a enya mudimo a Salomo akhalele 392.
59 Athu akatugile gu Tele-Mela nu gu Tele-Halesha nu gu Keluba nu gu Adona nu gu Imele, akhalelego mujiya fami jiawo* nga senga yawo* ha gukotelesa gula akhalele enya Isalele nga ndo. Athu ene enyawa: 60 Ana a Delaya a mala nu ana a Tobia a mala nu ana a Nekoda a mala akhalele 652. 61 Ana a nganga-nzambi a mala akhalele: Ana a Habaya nu ana a Hakosa nu ana a Barzilayi, yago wazudile mukhetu mukatshi dia ana a akhetu a Barzilayi muenya gu Gileade. Mukhetu muene wakhalele mutamegewa mu jina dia giwaji gienji gia yala. 62 Athu ene akambele majina awo mu mikanda ya senga ya fami jiawo, uvi a amonelego, hene a atunyishile ha gutshita mudimo wa unganga-nzambi.* 63 Guvernere* waawambelele egi ashigo naye gudia ima yabalega gijila uu nu tangua mbaaheta nganga-nzambi wajiya guhula Nzambi mu njila ya Ulime nu Tumime.*
64 Athu agasue avutugile akhalele 42 360, 65 akhalele nu enya mudimo a mala nu a akhetu 7 337, akhalele nji nu ngimba jia mala nu jia akhetu 200. 66 Akhalele nu tubalu 736 nu phunda 245, 67 nu shamo 435 nu phunda jiko 6 720.
68 Tangua ahetele gu inzo ya Yehowa gu Yelusalema, mafumu ako a fami jia mu iphuta yawo ahanele milambu mu gutshigina guawo mukunda nu inzo ya Nzambi wa giamatshidia, ha guyitunga luko* ha fundo yakhalele thomo. 69 Ha gutadila guvula gua ima akhalele nayo, ahanele badrakime* a wolo 61 000 ha gukuatesa mudimo nu bamine* a utadi wa siliva 5 000 nu malopho 100 mukunda nu nganga-nzambi. 70 Nganga-nzambi nu enya Levi nu athu ako nu ayimbi a ngimbo nu abambi a mifulo nu athu akhalele mutshita mudimo gu tempelo* ayile mukhala mu membo awo. Enya Isalele agasue nji ayile mukhala mu membo awo.