Ngimbo
43 Oo Nzambi, ngusophese,
nguzuelele gutuama dia gifutshi gia athu ashigo a gujinginyina.
Nguhuluise ha mago a enya mambo nu athu abola.
2 Handaga udi Nzambi wami, fundo diami diakola dia gulengela.
Mukunda natshi wangutuna?
Mukunda natshi ngudi naye guwenda nu gikenene mukunda nu lamba didi gungumonesa mbalagaji jiami?
3 Tuma muanya waye nu giamatshidia giaye,
ingutuameze;
ingutuameze gu mulundu waye wa gijila nu gu tabernakle yaye yakoma.
4 Gungima mbanguza gu giwotshielo gia Nzambi,
gudi Nzambi wana gunguhana gusuanguluga.
Mbangugutumbuisa nu gitare,* Oo Nzambi, Nzambi wami.
5 Mukunda natshi ngushigo luko nu felela?
Mukunda natshi ngabua tunga-tunga?
Mbangunengenena Nzambi,
mbangumutumbuisa handaga udi Muhuluishi wami Wakoma, udi Nzambi wami.