Ngimbo
Gudi mutuameji wa miziki. Idi naye gushigiwa nu ima ya gushigila miziki yana khala nu shinga. Maskile* a Davidi, tangua enya gu Zife ayile muwambela Saula egi: “Davidi udi ya gudisuega mukatshi dietu.”
54 Oo Nzambi, tshita ndaga mu gudivua nu jina diaye, nguhuluise.
Ngukuatese* nu ngolo jiaye.
2 Oo Nzambi, vua gisambu giami;
tegelela muabonga mbimbi jidi muzoga mu kano diami.
3 Handaga ngenji jiaza ha gunguluisa,
enya khuta adi mukamba gungushiya.
Ene ana nemesa ndo Nzambi.* (Sela)
4 Tala! Nzambi udi mukuateshi wami;
Yehowa udi nu athu adi gungukuatesa.
5 Muene mbawufuta mbalagaji jiami gifua mudi gubola guawo;
Nzambi wami, ashiye,* handaga aye udi nu ame tangua diagasue.
6 Mbanguguhana milambu nu mutshima wami wagasue.
Oo Yehowa, mbangutumbuisa jina diaye, handaga didi diabonga.*
7 Handaga wana gunguhuluisa mu malamba ami agasue,
mbangumona tangua mbalagaji jiami mbajibingiwa.