Ngimbo
Gudi mutuameji wa miziki. Ludi naye guyimbiwa mu miziki ya “Yembe Didi Tedie nu Didi Gualeha.” Mikitame* ya Davidi, tangua enya Filistiya amukuatele gu Gate.
56 Oo Nzambi, nguvile khenda, handaga athu adi gunguluisa.*
Adi gunguluisa nu gungusagesa lusugu lua mudidi.
2 Mbalagaji jiami jidi gungukamba lusugu lua mudidi ha gungukuata;
athu avula adi gunguluisa nu lulendo luagasue.
3 Gula ngavua woma, ngana gugushila mutshima.
4 Ngana sha mutshima gudi Nzambi, ngana gumutumbuisa mukunda nu mbimbi yenji.
Ngudi musha mutshima gudi Nzambi, ngushigo muvua woma.
Itshi mun’a muthu wajiya gungutshita?
5 Lusugu luagasue adi mukamba gubolesa ndaga ngudi mutshita;
matangi’awo adi a gungutshita gubola.
6 Adi gudisuega ha gunguluisa;
adi muhata nganyo jiami jiagasue,
adi mutshigina gungushiya.
7 Oo Nzambi, atune mukunda nu gubola guawo.
Vila ifutshi khabu, ihane ndola.
8 Aye udi mumona muabonga luholo ngudi muya nu guwungagana.
Mba masoji ami mu mulondo waye wa gilema gia shitu.
Ene ashigo a gusonega mu mukanda waye ba?
9 Mbalagaji jiami mbajilenga gutuama diami mu lusugu mbangutoga ukuateshi.
Ngudi musha mutshima gu ndaga eyi: Nzambi udi gu khanda yami.
10 Ngudi musha mutshima gudi Nzambi, ngana gumutumbuisa mukunda nu mbimbi yenji.
Ngudi musha mutshima gudi Yehowa, ngana gumutumbuisa mukunda nu mbimbi yenji.
11 Ngana sha mutshima gudi Nzambi, ngushigo muvua woma.
Itshi mun’a muthu wajiya gungutshita?
12 Oo Nzambi, ngudi nu ginemo gia gutagenesa ndaga ngagulayele;
mbanguguhana milambu ha guguhana mersi.