Ngimbo
Gudi mutuameji wa miziki. Ludi naye guyimbiwa nu ima ya gushigila miziki idi nu shinga. Lungimbo lua Davidi.
61 Oo Nzambi, vua luholo ngudi mudila ha gutoga ukuateshi.
Tegelela muabonga gisambu giami.
2 Tangua ngana khala nu gikenene mu mutshima,*
ngana gugudidila sendese gu songi ya mavu.
Ngutuameze, nguhage holu dia seso didi dialeha gungubalega ame.
3 Handaga udi fundo diami dia gulengela,
udi inzo yakola yana gungubamba gudi mbalagaji jiami.
4 Mbangukhala ngenji mu tenta yaye mayilago;
mbangudisuega moshi’a mahambu aye. (Sela)
5 Handaga aye wavile ndaga ngadilogele, Oo Nzambi.
Wanguhuile khapho wana hana athu ana vila jina diaye woma.
7 Muene mbawukhala ha nguasa ya ufumu mayilago gutuama dia Nzambi;
mumonesele guzumba gua giamatshidia; monesa nji egi udi ya gujinginyina gudi muene hagula akhale mu ubambi.
8 Ngenyi mbanguyimba ngimbo* ha gutumbuisa jina diaye mayilago.
Lusugu nu lusugu, mbangutagenesa ndaga ngadilogele.