Ngimbo
Gudi mutuameji wa miziki. Lungimbo lua Davidi, ludi mukuatesa ha guwunguluga.
70 Oo Nzambi, nguhuluise.
Oo Yehowa, iza muphushi ungukuatese.
2 Athu adi mukamba gungushiya*
ahanewe musonyi, aseguluishiwe.
Athu adi musuanguluga nu lamba diami,
avutuge nu musonyi.
3 Athu anyi adi gungulela egi: “Aha! Aha!”
Avutuge gungima nu musonyi.
4 Uvi athu ana gugukamba
adihale nu asuanguluge mukunda nu aye.
Athu anyi ana suanguluga mu luholo wana huluisa, azuele tangua diagasue egi:
“Nzambi atumbuishiwe.”
5 Uvi ame ngushigo nu muthu wagungukuatesa, ngudi phutu;
Oo Nzambi, ngukuatese muphushi.
Aye udi mukuateshi wami nu muhuluishi wami;
Oo Yehowa, ushiphigo.