Ngimbo
Lungimbo lua Asafe.
82 Nzambi udi wa gukhala ha fundo dienji ha katshi dia jinzambi;*
udi musophesa ha katshi na katshi dia jinzambi,* udi muzuela egi:
2 “Uu nu tangua ditshi mbamulandula gusophesa mu luholo luabola
nu mbamulandula gumonesa khadilo dia gutomba-tomba mukunda nu athu abola? (Sela)
3 Zuelelenu* athu adi a guleba nu ana a shiye.
Batulenu muabonga milonga ya athu ashigo nu mukuateshi nu ya phutu.
4 Huluisenu muthu waleba nu phutu;
ahuluisenu ha mago a athu abola.”
5 Ene ashigo mujiya nga gima, ashigo nji mukotelesa;
adi muwenda mu phipha;
fondasio jiagasue jia mavu jiadinyigisa.
6 “Ngazuedi egi: ‘Mudi jinzambi,*
mukut’enu agasue mudi ana a Nzambi wa Gudinyinyiga.
7 Uvi mbamufua gifua muana fua athu;
mbamubua gifua muana bua mafumu ako agasue!’”
8 Oo Nzambi, zuga usophese mavu,
handaga ifutshi yagasue idi yaye.